بہت مصروف رہنا بھی خدا کی ایک نعمت ہے | Bahut Masroof Rahna Bhi Khuda Ki Ek Nemat Hai

شکر

۔۔ بہت مصروف رہنا بھی خدا کی ایک نعمت ہے

، ہجوم دوستاں ہونا کسی سنگت کا مل جانا

کبھی محفل میں ہنس لینا ، کبھی خلوت میں رو لینا

کبھی تنہائی ملنے پر ، خود اپنا جائزہ لینا

کبھی دکھتے کسی دل ، پر تشفی کا مرہم رکھنا

کسی آنسو کوچن پانا ، کسی کا حال لے لینا

کسی کا راز ملنے پر ، لبوں کو اپنے سی لینا

کسی بچے کو چھو لینا ، کسی بوڑھے کی سن لینا

کسی کے کام آ سکنا ، کسی کو بھی دعا دینا

کسی کو گھر بلا لینا ، کسی کے پاس خود جانا

نگاہوں میں نمی آنا ، بلا کوشش ہنسی آنا

تلاوت کا مزہ آنا ، کوئی آیت سمجھ پانا

کبھی سجدے میں سو جانا ، کسی جنت میں کھو جانا

خدا کی ایک نعمت ہے ۔۔۔