وہ شمع اجالا جس نے کیا

وہ شمع اجالا جس نے کیاچالیس برس تک غاروں میں

اک روز چمکنے والی تھی سب دنیا کے درباروں میں

گر ارض سما کی محفل میں'لو لاک لما' کا شور نہ ہو

یہ رنگ نہ ہو گلزاروں میں یہ نور نہ ہو سیاروں میں

جو فلسفیوں سے کُھل نہ سکا جو نکتہ وروں سے حل نہ ہوا

وہ راز اِک کملی والے نے بتلا دیا چند اشاروں میں

ہیں کِرنیں ایک ہی مشعل کی ابوبکر ، عمر ، عثمان و علی

ہم مرتبہ ہیں یارانِ نبی کچھ فرق نہیں اُن چاروں میں

وہ جِنس نہیں ایمان جسے لے آئیں دکانِ فلسفہ سے

ڈونڈھے سے ملےگی عاقِل کو یہ قرآں کے سپاروں میں

وہ شمع اجالا جس نے کیا چالیس برس تک غاروں میں

اک روز چمکنے والی تھی سب دنیا کے درباروں میں۔

وہ شمع اجالا جس نے کیا | Wo shamma ujala jisne kiya