www.islamic-shayari.tech



زہے مقدر حضور حق سے سلام آیا    پیام آیا


زہے مقدر حضور حق سے سلام آیا   ،  پیام  آیا

جھکاؤ نظریں  ، بچھاؤ پلکیں ،  ادب کا اعلیٰ مقام آیا

زہے مقدر ----------

 

یہ کون سر سے کفن  لپیٹے  ، چلا ہے الفت کے راستے پر

فرشتے حیرت سے تک رہے ہیں ، یہ کون ذی احترام آیا

زہے مقدر ----------

 

فضا میں لبیک کی صدائیں ،  ز فر شتہ عرش  گونجتی ہے

ہر ایک قربان ہو رہا ہے ،  زباں پہ یہ کس کا نام آیا

زہے مقدر ------------

 

یہ راہحق ہے سنبھل کے چلنا ،  یہاں ہے منزل قدم  قدم پر

پہنچنا در پر تو کہنا آقا ، سلام لیجئے غلام آیا

زہے مقدر ------------

 

یہ کہنا آقا بہت سے عاشق تڑپتے سے چھوڑ آیا ہوں میں

بلاوے کے منتظر ہیں لیکن نہ صبح آیا ،  نہ شام آیا

زہے  مقدر-------------

 

دعا جو نکلی تھی دل سے آخر ،  پلٹ کے مقبول ہو کے آئی

وہ جذبہ جس میں تڑپ تھی سچی ، وہ جذبہ آخر کو کام آیا

زہے مقدر- ----------

 

خدا تیرا حافظ و نگہبان ، اوراہِ بطحٰی کے جانے والے

نویدصدانبساط بن کر ،  پیام دارالسلام آیا

زہے مقدر --------------

 

زہے مقدر حضور حق سے سلام آیا   ،  پیام آیا

جھکاؤ نظریں  ، بچھاؤ پلکیں ،  ادب کا اعلیٰ مقام آیا

زہے مقدر ----------